वासोळं / देवळा -कसमादे टाइम्स ” महाराष्ट्र न्यूज ” प्रशांत गिरासे याज कडुन
महाराष्ट्र राज्य कृषी पणन मंडळ अंतर्गत देवालयात साकारण्यात आलेल्या सुनील आहेर कृषी मार्केटचा आज दि. 17 रोजी भव्य शुभारंभ आयोजित करण्यात आल्याची माहिती संस्थापक व राष्ट्रवादी युवक काँग्रेसचे तालुकाध्यक्ष सुनील आहेर यांनी दिली.
महाराष्ट्रातील नासिक जिल्ह्यातील देवळा तालुक्यात
देवळा – मालेगांव रस्त्यावर सुरू करण्यात येत असलेल्या या नवीन कृषी मार्केट यार्डात तालुक्यातील शेतकरी बांधवांसाठी भाजीपाला खरेदी विक्री करण्यात येणार असुन लवकर कांदा व मकादेखील खरेदी केली जाणार आहे. याठिकाणी शेतकरी बांधवांना सन्मानपूर्वक वागणूक, सर्व प्रकारचा शेतमाल, भाजीपाला खरेदी विक्री, प्रशस्त आवार, उच्च प्रतीचा बाजार भाव, शेतकऱ्यांना त्वरित रोख पेमेंट, इलेक्ट्रॉनिक वजन काटे, संगणकीय कामकाज,वेळोवेळी कृषी तज्ञाचे मार्गदर्शन आदी सुविधा उपलब्ध करून देण्यात आल्या आहेत. यावेळी विलास मोरे उपस्थित होते. तालुक्यातील शेतकऱ्यांनी याचा लाभ घ्यावा, असे आवाहन शेवटी सुनील आहेर यांनी केले आहे.
