भारत पवार : मुख्य संपादक. बातम्या आणि जाहिराती साठी संपर्क : ९१५८४१७१३१ उमराणे / देवळा : कटा महाराष्ट्र न्यूज ऑनलाईन वेब चॅनल अँड न्यूज पेपर नेटवर्क : जनता आणि महिलांच्या भरगच्च गर्दीच्या सभेने आता पर्यंतचा उच्चांक गाठला असून काल उमराणे येथे झालेल्या सभेने रेकॉर्ड ब्रेक सभा ठरली. तर ह्या वेळेला परिवर्तन अटळ असून एकच हवा केदानाना हवा असा सूर भरगच्च सभेतील जनतेने लावला होता.त्यामुळे परिवर्तन अटळ असल्याचे मानले जात आहे.
मी आपल्या कडे मतांचा जोगवा मागत असून पाच वर्षे सालगडी म्हणून काम करून चांदवड देवळा मतदार संघातील जनतेच्या समस्या सोडविणार असून माझे मायबाप आणि बंधू – भगिनींनी मला प्रचंड मतांनी निवडून द्या असे भावनिक आवाहन अपक्ष उमेदवार केदा आहेर यांनी उमराणे येथील जाहीर सभेत केले. सभेत महिला , तरुण आणि जेष्ठ नागरिकांनी खचून गर्दी केलेली होती. यावेळी प्रथम मविप्र संचालक विजयनाना पगार , विलासकाका देवरे , मा. आ.उत्तमबाब भालेराव , देवळा कृ. उ. बा. समितीचे सभापती योगेश आहेर , डॉ.आत्माराम कुंभार्डे यांसह अनेक ज्येष्ठ नेत्यांनी आपले प्रखड विचार मांडून नवचैतन्य वातावरण निर्माण केले. केदा नाना आहेर १० ते १५ हजार मतांचे लिड घेऊन विजयी होतील असा विश्वास डॉ. कुंभार्डे यांनी यावेळी व्यक्त केला. आपला अंदाज कधीही चुकत नाही असा ठाम विश्वासही कुंभार्डे यांनी बोलून दाखवला.तर केदा आहेर यांनी आपल्या भाषणात बोलतांना सांगितले की, मी आपल्या कडे मतांचा जोगवा मागत असून तो मतदान रुपी जोगवा आजच्या तमाम मतदार बंधू भगिनींनी तो देऊन आपल्या चांदवड देवळा मतदार संघातील जनतेच्या समस्या सोडविण्याची संधी उपलब्ध करून द्यावी .पुढे बोलताना केदानाना आहेर यांनी सांगितले की , मला मायबाप जनतेने निवडून पाच वर्षे मी तुमचा सालगडी म्हणून काम करणार यावेळी बोलतांना त्यांनी सांगितले की, तोंडात सोन्याचा चमचा घेऊन जन्मास आलेल्यास शेतकऱ्यांच्या समस्या काय कळणार ? असा टोला त्यांनी नाव न घेता विरोधकास मारला. आजही चांदवड देवळा मतदार संघात समस्यांचा सामना जनतेस करावा लागत असून याचे मला दुःख आहे. त्या समस्या सोडविण्यासाठी जनतेने मला निवडून द्यावे. पुढे बोलताना त्यांनी सांगितले की, चांदवड देवळा मतदार संघात एम.आय डी सी उभारणार , मतदार संघातील शेतकऱ्यांचा पाणी प्रश्न कायमसाठी मिटवणार , रस्ते ,वीज ह्या समस्या दूर करणार , कांदा व अन्य पिकांना हमीभाव प्रश्न सोडविण्यासाठी हमखास प्रयत्न करणार यासाठी माझे आमदार पद पणाला लावण्यासाठी माझ्यात हिम्मत आहेच .पण शेतकऱ्यांचे प्रश्न सोडविणारच असे ठामपणे केदार यांनी सांगितले.
यावेळी महिला , पुरुष , तरुण भरगच्च संख्येने उपस्थित असल्या कारणाने अनेकांनी कुतूहल व्यक्त करत एकच हवा केदानाना हवा असा सूर सभेतील नागरिकांनी लावला होता. गर्दी पाहून विरोधकांना सर्दी होणार असेही बोलले जात होते.
